MÁIS TRABALLOS

Seguimos compartindo traballos, todos eles fantásticos. 

Paula tamén combinou técnicas para facer a réplica desta obra do pintor Johannes Vermeer, La joven de la perla, tamén coñecida como Muchacha con turbante ou La Mona Lisa del norte. Paula,  quedouche xenial! 

  

E que vos parece este debuxo de Julia? Un animal e unha paisaxe no mesmo debuxo, pero neste caso é a paisaxe a que podemos ver no animal. É un debuxo estupendo Julia, non deixes de compartir! 

Moitas grazas polos vosos traballos, así parece que todos estamaos un pouquiño máis cerca!

Unha aperta!

OS VOSOS TRABALLOS

Estades traballando moito e seguen a chegar fotos que o demostran. Hoxe temos exemplos de tres tarefas diferentes que comparten con nós vari@s compañeir@s.

EDUCACIÓN PLÁSTICA
Noelia fixo a réplica dun cadro de Graham Gercken. Está tan ben que custa diferenciar o orixinal da copia! 🙌😲
Ela mesma nos explica como o fixo, por se alguén necesita algunha idea:

"Utilicei unha rotura que son como pinceis ao pintar, tippex e alcohol, que serve para que as cores se mezclen entre elas (o alcohol móllase cun bastoncillo de algodón)."

 

ESCARLATINA, A COCIÑEIRA DEFUNTA
Sara fixo a súa portada de Escarlatina, mirade que ben lle quedou!😵😻

COELLO DE PASCUA
David enviou o seu coello de Pascua, con felicitación incluída! 🐰😀 

E vós? Xa rematastes todos as tres tarefas? Animádevos a compartilas!
Unha aperta!

Creamos?

Propóñovos un reto. Buscade un cadro que vos guste moito e intentade facer a súa réplica. Hai moitas posibilidades.

Aquí tedes un vídeo do museo Thyssen que vos di como facer un debuxo con texturas ao estilo La casa giratoria, 1921, de Paul Klee.

 

Este é un collage da pintura El Balandrito, 1909, de Joaquin Sorolla.

Este outro é un collage do cadro Jarrón con doce girasoles, 1889, de Vicent Van Gogh. 

 

Podedes escoller calquera cadro, non esquezades dicirnos o seu título, ano de creación e autor. E podedes escoller a técnica que queirades. Enviade fotos dos resultados para poder gozar das vosas obras.

Ánimo e apertas!

Guía visual do Museo do Prado

Que vos parecería ir de museos? Grazas a iniciativas como esta do Museo do Prado, estes días teremos acceso a algúns dos museos máis importantes.

Neste enlace tedes acceso ao Museo do Prado. Non vos perdades algunhas das obras comentadas, unha delas é As Meninas, de Velázquez.

Espero que vos guste!

                                                    Guía visual do Museo do Prado