CANTA CREATIVIDADE!

Xa vedes que deste confinamento tamén van saír cousas boas... 

Polo que vexo estades aproveitando para explotar a vosa creatividade. Que marabilla de debuxos!!! 

Parabéns Noelia!

Non deixedes de compartir! 

Apertas!!!

Xa chega a pascua!

Só queda unha semana para que chegue a Pascua e xa temos o primeiro coello de Pascua, aínda que este sen mensaxe. Animádevos a compartir as vosas obras, temos moitas ganas de velas!

Aquí tedes a de Mauro, está xenial! Moitas grazas por compartila con nós Mauro!

E non esquezades tamén compartir os vosos debuxos de August, este tan chulo é o de Eva. Moitas grazas Eva, está xenial!

Auggie

Aquí vos deixo as primeiras imaxes que temos dos vosos debuxos. Está xenial compartilos, así podemos comprobar que non todos o vemos igual.

Andrea e Claudia, moitas grazas por compartir os vosos traballos, encántanme! 

Lembrade que podedes compartir o que queirades. Mandádemo ao mail clasesolpor18@gmail.com e subireino ao blog.

Grazas rapazas!!!

Día da poesía

O pasado 21 de marzo celebrouse o día da poesía. Que vos parece se incluídes no diario o poema que inventastes vós esta semana?

Ademais, propoño que poñades en marcha a vosa creatividade para continuar este poema de Antonio García Teijeiro, que aparece no libro Palabras do mar.

Unha

    mentira

     As troitas van polo mar

e as baleas, polo río.

 As sereas na montaña

   collen neve para o frío.

Esta é unha imaxe do libro, Palabras do mar, da páxina onde aparece o poema, de Antonio García Teijeiro, e a ilustración que Xosé Tomás fixo. 

Non esquezades acompañar os vosos poemas de ilustracións que estean relacionadas cos vosos poemas.

Moito ánimo, xa queda menos!